Երկրի բնակչությունը ներկայիս 7.3 մլրդ-ից 2050-ին կդառնա 9.7 մլրդ, իսկ հարյուրամյակի ավարտին կհասնի 11.2 մլրդ-ի: Նման թվեր է հնչեցրել ՄԱԿ-ի ժողովրդագրական բաժնի ղեկավար Ջոն Ուիլմոթը` օգոստոսին 10-ին Սիեթլայում տեղի ունեցող վիճակագիրների համաժողովի ժամանակ, գրում է Lenta.ru-ն:
Ըստ ՄԱԿ-ի փորձագետների` երկրի բնակչության աճը կդադարի, եթե Սահարայից հարավ ընկած Աֆրիկայի երկրներում նվազի ծնելիությունը: Դեռևս նման իրադարձության հավանականությունը 23 տոկոս է:
Սակայն, ամենախիտ բնակեցված շրջանը կմնա Ասիան: 21-րդ դարի կեսերին դրա բնակչությունը կհասնի 5.3 մլրդ-ի, ապա կնվազի` հասնելով 4.9 մլրդ-ի:
