Սաուդյան Արաբիան մայիսին նավթի արտահանման ծավալը կրճատել է 10.3%-ով ՝ հասցնելով օրական 6.935 մլն բարելի։ Այս մասին հայտնում է «նավթային վիճակագրության համատեղ նախաձեռնություն» կազմակերպությունը՝ փոխանցում է RIA Novosti-ն։
Սաուդյան Արաբիայում նավթի արդյունահանումը մայիսին մեծացել է 0.24 տոկոսով՝ հասնելով 10.333 մլն բարելի, իսկ վերամշակումը հայրենական նավթավերամշակող գործարաններում ավելացել է 8.94 տոկոսով՝ օրական 2.423 մլն բարել։ Ապրիլին թագավորությունը մեծացրել էր նավթի արդյունահանումը՝ օրական հասցնելով 10.308 մլն բարելի։
Նավթի՝ մեծությամբ երկրորդ արտադրող Իրաքը, որը մտնում է ՕՊԵԿ-ի մեջ, մայիսին նավթի արտահանումը մեծացրել է 2.21 տոկոսով՝ հասցնելով օրական 3.145 մլն բարելի։
ՕՊԵԿ-ի երկրների նավթի արդյունահանումը՝առանց Իրաքի տվյալների, մայիսին կազմել է 27.17 մլն բարել, ինչը ապրիլի ցուցանիշից քիչ է 81 հազար բարելով։
