Նավարկելի կամուրջները կամ ջրանցույցները (ակվեդուկներ) համարվում են ինժեներական մտքի ամենավառ արտացոլումը՝ գրում է Novate.ru-ն:
Պոնթքիսիլթեի ջրանցույցը գտնվում է Մեծ Բրիտանիայում և ունի 307 մետր երկարություն: Այն տեղի ամենախոշոր ջրանցույցն է: Կառուցվել է 10 տարվա ընթացքում՝ 1795-1805-ին:
918 մետր երկարությամբ Մագդեբուրգի ջրային կամուրջը գտնվում է Գերմանիայում: Դրա հիմքը դրվել է դեռևս 1905-ին, սակայն Երկրորդ աշխարհամարտի ժամանակ կառուցումը դադարեցվել է և վերսկսվել է միայն 1997-2003-ին: Այն միացնում է Էլբա-Հաֆել և Միջգերմանական նավագնացային ջրանցքները:
Բրիարե ջրանցույցը, որն ունի 662 մետր երկարություն, Ֆրանսիայի ամենահին ջրանցույցներից է: Այն կառուցվել է 1604-1642-ին:
Բելգիայում գտնվող Պոնտ դյու Սարթ ջրանցույցն ունի 498 մետր երկարություն:
Ռինգվարթ Հարլեմերմեր ջրանցույցը՝ 1800 մետր երկարությամբ, գտնվում է Նիդերլանդներում: Այն կառուցվել է 1961-ին, հենց ավտոմայրուղու տակ:
