Սպիրտային խմիչքների չարաշահումը և թմրանյութերի օգտագործումը կախված է մասնագիտությունից՝ պարզել է ԱՄՆ առողջապահության և սոցիալական ծառայությունների նախարարությունը: Նրա գնահատմամբ՝ խմիչքի նկատմամբ ամենից շատ հակվածություն ունեն ծանր ֆիզիկական աշխատանք կատարողները՝ հանքափորները և շինարարները։ Այս մասին հայտնում է The Mirror-ը:
2008-2012թթ. կատարած իրենց ուսումնասիրության մեջ սոցիոլոգներն ուսումնասիրել են մեկ ամսվա ընթացքում 5 և ավելի օրերի ընթացքում միանգամից 5 և ավելի բաժին սպիրտային խմիչք գործածողներին: Մեկ բաժինը 14 գրամ մաքուր սպիրտ է, որը պարունակվում է 1 բաժակ գարեջրի մեջ, մեկ գավաթ գինու կամ թունդ խմիչքի մեջ:
Մասնագետների հաշվարկով՝ հանքափորների 17.5%-ը չարաշահում է ալկոհոլը, նրանք ամենաշատ խմողն են: Երկրորդ տեղում շինարարներն են՝ 16.5%:
Երրորդ տեղում հյուրանոցների և ռեստորանների աշխատողներն են: Այդ ոլորտների աշխատակիցները միաժամանակ առաջին տեղում են թմրանյութերի չարաշահման առումով՝ ավելի քան 19%:
Մենեջերները ավելի հաճախ թմրանյութերով են տարվում, քան ալկոհոլով՝ ավելի քան 12%-ը, մինչդեռ առանց չափի խմում է 10%-ից պակաս մասը:
Ալկոհոլ ամենաքիչ օգտագործում են կրթության և առողջապահության ոլորտի աշխատողները՝ 5%:
Ամենաքիչ թմրամոլները պաշտոնյաների մեջ են՝ 4.3%:
