ԱՄՆ Թենեսի նահանգի բնակչուհին ճաշին պատվիրված ոստրեներից մեկում 50 մարգարիտ է գտել։ Այս մասին հայտնում է WSMV պորտալը։ Դեպքը տեղի է ունեցել Ֆրանկլին քաղաքի Puckett’s Boathouse ռեստորանում։
53-ամյա Թոնի Էլիոթը կծելիս ինչ-որ կոշտ բան է զգացել։ Սկզբում նրան թվացել է, թե կոտրել է ատամը, սակայն այնուհետև պարզել է, որ դա մարգարիտ էր։ Դրանից հետո նրա ափսեում հայտնվել են ևս 49 մարգարտահատիկներ։
Հաստատությունում երբևէ նման դեպք չէր պատահել, երբ այցելուն գտնի 50 մարգարտահատիկ։ Երբեմն պատահել էին մեկ մարգարիտ գտնելու դեպքեր։
Մարգարիտները բավականին մանր են, դրանց արժեքը չի հստակեցվում։
