«Ժողովուրդ» թերթը գրում է. «Երևանի փոխոստիկանապետ Վալերի Օսիպյանի եղբորոդին` Սեդրակ Օսիպյանը, շուրջ 10 ամիս հետախուզման մեջ գտնվելուց հետո ոստիկանություն ներկայացավ այն ժամանակ, երբ վարույթն իրականացնող մարմինը փոխեց նրա նկատմամբ ընտրված խափանման միջոց կալանավորումը և որոշեց նրան ստորագրությամբ ազատ արձակել:
Ինչի՞ց սկսվեց պատմությունը
2014թ հունիսի 1-ին Նուբարաշենում երիտասարդ տղաների միջև վիճաբանություն էր տեղի ունեցել, ինչն ավարտվել էր դանակահարությամբ: Դանակահարվել էր 22-ամյա Վանուշ Ալեքսանյանը: Ավելի ուշ հայտնի դարձավ նաև, որ Վանուշին դանակահարելու մեջ մեղադրվում է Երևանի փոխոստիկանապետի 23-ամյա եղբորորդին` Սեդրակ Օսիպյանը:
Ասել է թե՝ դանակահարողը հայտնի էր, տուժածը կար, մնում էր փոխոստիկանապետի՝ մշտապես աղմկալի իրադարձությունների կենտրոնում հայտնված եղբորորդուն կալանավորել, սակայն արի ու տես, որ նա անհետացավ կամ նրան պարզապես որոշել էին թաքցնել, մինչև գործը հարթվեր: Ու մինչ Օսիպյանի մտերիմները զբաղված էին տղային ջրից չոր դուրս բերելու գործընթացով, ՀՀ ոստիկանությանն այլ բան չէր մնում, քան տղայի նկատմամբ հետախուզում հայտարարել: Ավելին՝ նրան մեղադրանք էր առաջադրվել ՀՀ քրեական օրենսգրքի 112-րդ հոդվածի 1-ին մասով:
Մանրամասները՝ թերթի այսօրվա համարում:
