Դերասան և ռեժիսոր Ռասել Քրոուն ասել է, որ իր կարիերայում ամենածանր ժամանակաշրջանն էր «Գլադիատոր» ֆիլմի համար «Օսկար» ստանալուց հետո մի քանի տարիները, երբ դերասանին բաժին ընկավ Մայքլ Ջեքսոնի կողմից հետապնդումները և «Ալ-Քաիդա»-ի կողմից սպառնալիքները: Այս մասին գրում է The Guardian-ը:
«2 կամ 3 տարի ինձ հետապնդում էր Մայքլ Ջեքսոնը: Ես նրա հետ ծանոթ չէի, նույնիսկ երբեք չէի հանդիպել նրան, բայց նա ինչ-որ կերպ պարզել էր, թե ինչպիսի անունով եմ ես գիշերում հյուրանոցներում և մշտապես ինձ զանգահարում էր: Որտեղ էլ որ լինեի, նա զանգահարում էր ինձ և հարցնում` տեղում են պարոն Ուոլը կամ տիկին Ուոլը, ապա սկսում էր կատակել, որ եթե Ուոլներից ոչ ոք տեղում չէ, ապա ինչն է պահում տանիքը»,- ասել է Քրոուն:
Դերասանի խոսքերով` 2001-ին իրեն սպառնացել է «Ալ-Քաիդա»-ն: Հաջորդ երկու տարին Քրոուն անցկացրել է FBI-ի գործակալների վերահսկողության տակ:
