Տաղանդավոր նկարչուհին ստեղծում է հայտնի նկարների վերարտադրությունները՝ օգտագործելով կպչող գունավոր թղթեր, գրում է kulturologia.ru կայքը: Այսպիսի անսպասելի նյութը հնարավորություն է տալիս բացահայտել հայտնի գլուխգործոցները նոր տեսանկյունից:
Ճապոնացի նկարչուհի Նասա Մունահարան Մուսասինոյի արվեստների համալսարանում յուղաներկով նկարելու տեխնիկան է դասավանդում: Աշխատանքից ազատ ժամանակ նա ստեղծում է հայտնի նկարների կրկնօրինակները՝ օգտագործելով տարբեր գույների կպչող թղթեր: Այդ կերպ Մունահարան արդեն ստեղծել է Լեոնարդո դա Վինչիի «Մոնա Լիզա» և «Խորհրդավոր ընթրիք», Վինսենթ վան Գոգի «Արևածաղիկները» և Էդվարդ Մունկի «Ճիչը» նկարները:
Նասա Մունահարայի աշխատանքները բավականին մեծ են: Այդպիսի մի նկարի վրա նկարչուհին ծախսում է մեկ շաբաթ: Սկզբում Նասան կտրատում է թղթերը, հետո դրանցից ստանում պատկեր և վերջում դրանք առանձին-առանձին հավաքում: