Սիրիայում հակակառավարական ուժերի կողմից կռվող ավելի քան 80 երիտասարդի Անտվերպենի և Բրյուսելի իշխանությունները հանել են քաղաքի բնակիչների ռեգիստրներից: Այս մասին ուրբաթ օրը հայտնում է «Կոնտակտ» ռադիոկայանը:
Քաղաքային իշխանությունների որոշումը թույլատրում է վարձկաններին զրկել սոցիալական իրավունքներից և նպաստներից:
Անտվերպենում, որի իշխանությունները ռեգիստրներից հանել են 55 հոգու, սեպտեմբերի 29-ից 46 հոգու դատ է ընթանում, որոնք մեղադրվում են ահաբեկչական կազմակերպության անդամ լինելու համար, որը, մասնավորապես, Սիրիայում պատերազմելու վարձկաններ է հավաքագրում: Մեղադրյալներին սպառնում է 5-15 տարվա ազատազրկում:
ԶԼՄ-ների տեղեկությամբ՝ իսլամիստների աջակցությամբ Սիրիա է ուղարկվել մինչև 350 երիտասարդ բելգիացի, հիմնականում՝ մուսուլմաններ: