Վրաստանի դատախազությունը նախկին վարչապետ Զուրաբ Ժվանիայի մարմնի արտաշիրմման մասին որոշում է ընդունել: Ինչպես լրագրողներին հայտնել է դատախազ Ռևազ Նադոյը, որն զբաղվում է Ժվանիայի մահվան հանգամանքների մասին գործով, արտաշիրմման ժակետները ներկայումս չեն հաղորդվում: Այս մասին փոխանցում է Trend գործակալությունը:
Նրա խոսքով՝ արտաշիրմումը կիրականացնեն արտասահմանյան դատաբժշկական փորձագետները, իսկ Ժվանիայի ընտանիքն արդեն տվել է իր համաձայնությունը:
Ժվանիային մահացած էին գտել Քվեմո-Քարթլի տարածաշրջանի նահանգապետի տեղակալ Ռաուլ Յուսուպովի հետ 2005-ի փետրվարի 3-ին, Թբիլիսիի բնակարաններից մեկում:
Քննությամբ պարզվել էր, որ Ժվանիան մահացել է դժբախտ պատահարից՝ շմոլ գազից առաջացած թունավորումից:
«Վրացական երազանք» կոալիցիայի՝ իշխանության գալուց հետո նախին վարչապետի մահվան պատճառների կրկնակի հետաքննություն է սկսվել:
