Լեոնարդո Դի Կապրիոն, պարզվում է, ոչ միայն լավ դերասան է, այլև տաղանդավոր ռեփ կատարող: Մորուքավոր դերասանին նկարահանել են Հոլիվուդի գիշերային ակումբներից մեկում, որտեղ նա այնքան է բացվել, որ որոշել է կատարել Scenario-ից մի հատված, հաղորդում է Daily Mail-ը:
Հրապարակված տեսանյութը, որը երկու օրում գրեթե 8 հազար դիտում է հավաքել, նկարահանվել է հոլիվուդյան 1Oak ակումբում: Երեկույթը նվիրված էր պրոմոութեր Ռիչի Ակիվայի տարեդարձին: 39-ամյա դերասանը կատարել է A Tribe Called Quest’s խմբի Scenario ստեղծագործությունից մի հատված:
Հարկ է նշել, որ Դի Կապրիոն վերջին շրջանում հասարակության մեջ իրեն ազատ չի պահում: Նա չի ցանկանում, որ պատահական անցորդները ճանաչեն իրեն: Հատուկ այդ նպատակով նա մորուք է աճեցրել և կեպի է կրում: