«Արտաշատի պահածոների գործարանը չի մթերում գյուղացիների վնասված բերքը, հրաժարվում է, ասում է՝ պետք չի»,- «Առաջին լրատվական»-ի հետ զրույցում ասացին Ն.Դվինի գյուղացիներից վնասված բերք գնող անհատները՝ հավելելով, որ ստիպված վնասված բերքը հանձնում են Հոկտեմբերյանում հյութ արտադրող գործարաններից մեկին:
Վնասված բերքը անհատները գյուղացիներից գնում են 30 դրամով, գործարանին վաճառում 50 դրամով: Ի դեպ, նրանք ևս նույն գյուղից են: Ասում են՝ եթե «Արտֆուդն» ընդուներ, գյուղացիներից կգնեին 40 դրամով և կվաճառեին 50 դրամով, իսկ Արմավիրի պարագայում գումարի մեծ մասը ճանապարհին է բաժին ընկնում:
Վաճառքով զբաղվողների խոսքով՝ կառավարությունը գյուղացիների համար չի մտահոգվում, գյուղացին միայն դեղձ ունի, մնացածը ցուրտը տարել է, բայց դեղձն էլ մթերման խնդիր ունի, գյուղացու վիճակը լավ չէ, բերքը մնում դաշտերում, փչանում է:
«Գյուղնախարարը սուտ ասելով ման է գալիս, հա, երեկ չէ մյուս օրն էլ լսեցի՝ թազա շուկան էր մտել, մթերում ենք մթերում ենք՝ ասում էր, ուր ա, թող գա»,- եզրափակեցին գյուղացիները՝ հավելելով, որ նախարար է, պիտի մտածի, հողագործությունը անկում է ապրում:
Առավել մանրամասն՝ տեսանյութում:
