Էլեկտրաէներգիայի սակագնի բարձրացումը գրպանահատություն է: Հուլիսի 18-ին Ազատության հրապարակում ՕԵԿ հանրահավաքի ժամանակ դիմելով ներկաներին՝ նման տեսակետ հայտնեց ԱԺ ՕԵԿ խմբակցության պատգամավոր Հեղինե Բիշարյանը: «Ես համոզված եմ՝ մեզ հետ են նաև այն քաղաքացիները, որ այստեղ չեն, սակայն մտահոգ են այս խնդրով: Սակագների այս թանկացումը նման է գրպանահատ ժուլիկի, ով օրը ցերեկով՝ ցանկացած պահի, կարող է մտնել մեր՝ առանց այդ էլ աղքատիկ գրպանը: Եթե մեկ անգամ մենք չփակենք մեր գրպանը, այդ ժուլիկին ցույց չտանք իր իրական տեղը, ապա ողջ կյանքում անիմաստ կբողոքենք և արդյունքի չենք հասնի»,- ասաց նա:
Բիշարյանը նշեց, թե իրենք չեն հեռացել դավանած սկզբունքներից, որոնց իրականացման համար կռիվ են տալիս և պետք է կռվեն այնքան, մինչև որ 25 տարեկան Հայաստանը կկերտի իր իրական ազատության, անկախության և արդարության արձանը:
Մանրամասները՝ տեսանյութում:
