Լուրեր
HSBC բանկ Հայաստանը պարգևատրեց իր լավագույն հաճախորդներին

Հայաստանի HSBC բանկն այսօր պարգևատրեց 2013 թվականի առևտրի ֆինանսավորման ոլորտում իր լավագույն հաճախորդներին: Պարգևատրման այս արարողությունը կազմակերպվում է հինգերորդ տարին անընդմեջ: Մրցանակաբաշխությանը մասնակցող կազմակերպությունները հաղթող են ճանաչվել 2013թ. միջազգային առևտրի ոլորտում ցուցաբերած նորարարական մոտեցումների, ակտիվ գործունեության և զգալի հաջողությունների համար:

«Միջազգային առևտրի մրցանակ» անվանակարգում մրցանակի արժանացավ «Դերժավա» ընկերությունը, որը միջազգային առևտրի ոլորտում մեծ առաջընթաց է գրանցել:

«Լավագույն նորեկ հաճախորդ» անվանակարգում մրցանակակիրը «Յուքոմ» ընկերությունն է, որը Հայաստանում թվային հեռահաղորդակցության և հեռարձակման ծառայություններ տրամադրող առաջատար ընկերություն է:

Գլխավոր գործադիր տնօրենի հատուկ մրցանակը հանձնվեց «Առողջ սունկ» ընկերությանը, որը HSBC Հայաստան բանկի հետ աշխատանքի բազմամյա փորձ ունի:

Գրան պրին հանձնվեց «Արմենիա վայն» ընկերությանը՝ որպես տարվա լավագույն հաճախորդի: «Արմենիա վայն» գործարանը Հայաստանում գինու արտադրության առաջատար ընկերություններից է, որն իր տարածքում իրականացնում է արտադրության ողջ գործընթացը՝սկսած խաղողի պահեստավորումից մինչև գինու շշալցումը:

«Շնորհավորում եմ բոլոր նրանց, ովքեր ներգրավված են եղել այդ առևտրային գործարքներում: Այսօրվա մրցանակաբաշխությունը վկայում է միջազգային առևտրով զբաղվող հայաստանյան կազմակերպություններին աջակցելու մեր ռազմավարության, ինչպես նաև առևտրի ֆինանսավորման՝ մեր մասնագետների կողմից տրամադրվող փորձառության ու գերազանց սպասարկման մասին, ովքեր ամբողջ աշխարհով ձգտում են հաճախորդներին տրամադրել նրանց համար ճշգրիտ լուծումներ:

Սա մի փաստ է, որ հպարտանալու առիթ է տալիս, և ես ակնկալում եմ, որ մենք կշարունակենք համագործակցել 2014-ին և ապագայում նույնպես»,- ողջունելով մրցանակակիրներին՝ ասաց HSBC Հայաստան բանկի գործադիր տնօրեն Թիես Քլեմենցը:

Նա ընդգծեց, որ միջազգային առևտրի 77 տոկոսը բաժին է ընկնում HSBC բանկին: Բանկի գործադիր տնօրենի խոսքով՝ յուրաքանչյուր րոպե իրենց բանկն աշխարհում իրականացնում է 1 միլիոն ԱՄՆ դոլարի առևտրային գործարքներ: HSBC-ն օգնում է իր հաճախորդներին իրականացնել իրենց առևտրային գործարքներն աշխարհի ավելի քան 60 երկրների հետ:

  • Դիտումներ՝ *