Զույգը հավանաբար բաժանվել է այն բանից հետո, երբ Քրեսիդա Բոնասը հայտարարել է, որ չի ցանկանում ամուսնանալ թագավորական ամբողջ ընտանիքի հետ, այլ ուղղակի ցանկանում է հանգիստ ապրել լայն հանրության ուշադրությունից հեռու, գրում է Lady.ru-ն:
«Հարին և Քրեսին բաժանվել են,- պատմում է աղբյուրը: -Հարին ցանկանում է հանգստանալ, դասավորել իր կյանքը և ամուսնանալ, ինչպես ավագ եղբայրը՝ արքայազն Ուիլյամը: Սակայն, Քրեսին դեռ երիտասարդ է, և նա թագավորական ընտանիքիում ամուսնության հանդեպ մեծ կասկածներ ունի»:
Նույն աղբյուրը հաղորդում է, որ անցած հանգստյան օրերին երիտասարդները լուրջ խոսակցություն են ունեցել և որոշել են խզել իրենց հարաբերությունները: Հարին հուսով էր, որ աղջիկը կփոխի իր մտադրությունները, սակայն, այժմ նրանց սիրավեպը ավարտին է մոտենում:
Ավելի վաղ հայտնի էր դարձել, որ Քրեսիդան այլևս չի ցանկանում ամուսնանալ Հարիի հետ: Հարազատների խոսքերով՝ նա սովորել է ինքնուրույն տնօրինել իր կյանքը: Աղջիկը չի ցանկանում հրաժարվել իր սովորություններից և կատարել թագավորական ընտանիքի պարտականությունները:
Այդ թեմայի շուրջ Քրեսիդան զրուցել է Քեյթ Միդլթոնի հետ, ինչպես նաև այն սահմանափակումների մասին, որոնք հարկավոր է ընդունել, եթե ցանկանում ես թագավորական ընտանիքի մաս կազմել:
Իսկ Ելիզավետա II թագուհին իր կրտսեր թոռանը հասկացրել է, որ կհիասթափեցնի իրեն, եթե մինչև 30 տարեկանը համապատասխան աղջիկ չգտնի և չամուսնանա: Եթե Բոնասը մոտ ժամանակներում չմտափոխվի, ապա Հարին ստիպված կլինի իրեն ուրիշ կին փնտրել:
