18 ֆիլմ է ներառվել Վենետիկի կինոփառատոնի մրցույթային հիմնական ծրագրում: Այս մասին հայտնում է RIA Novosti-ն` հղում կատարելով փառատոնի կազմակերպիչներին:
Մրցույթային ծրագրում ներկայացված են Բրայան դե Պալմայի «Կիրքը», Կիմ Կի Դուկի Pieta-ն, Տակեշի Կիտանոյի Outrage beyond-ը, Թերենս Մալիքի «Ի նշան հիացմունքի», Բրիլիանտե Մենդոսայի Sinapupunan-ը, Ուլրիխ Զայդլի «դրախտային» եռագրության 2-րդ մասը`Paradies:Glaube-ը, Օլիվիե Ասսայասի «Ինչ-որ բան օդում», Ռամին Բահրանիի «Հայրենի հողեր», Մարկո Բելոկիոյի La bella addormentata-ն, Փիթեր Բրոսենսի ու Ջեսիկա Վուդվորդի «Հինգերորդ սեզոնը», Քսավիեր Ջիանոլլիի «Գերաստղը», Հարմոնի Քորինի Spring Breakers-ը, Վալեարիա Սարմիենտոյի Linhas de Wellington-ը, Ռամա Բուրշտեյնի «Լցնել դատարկությունը», Դանիել Չիպրիի «Նա եղել է որդի», Ֆրանչեսկա Կոմենչինիի «Հատուկ օր» ու Կիրիլ Սերեբրյաննիկովի «Դավաճանություն» ֆիլմերը:
Կինոփառատոնի Հատուկ ծրագրում` Fuori Сoncorso-ում, կներկայացվի 15 ժապավենʽ ներառյալ Սփայք Լիի, Մանուել դե Օլիվեյրայի, Սյուզաննա Բիրի, Ռոբերտ Ռոդֆորդի, Լիլիանա Կավանի նոր աշխատանքները:
«Հորիզոններ» ծրագրում կներկյացվի 15 կարճամետրաժ ու 18 լիամետրաժ ֆիլմ:
Ընդ որում` 11 ռեժիսոր Վենետիկի կինոփառատոնին առաջին անգամ է մասնակցում:
Ընդհանուր առմամբ, մրցույթում կներկայացվի 41 երկրից ավելի քան 50 աշխատանք:
Վենետիկի 69-րդ կինոփառատոնը կանցկացվի Լիդո կղզում օգոստոսի 29-ից սեպտեմբերի 8-ը:
Կինոփառատոնը կբացվի Միրա Նաիրի «Ֆունդամենտալիստ` անկախ կամքից» դրամայով:
