Լոս Անջելեսի քաղաքային խորհուրդը միաձայն ընդունել է մարիխուանայի վաճառքի կետերի փակման մասին որոշում, հայտնում է Los Angeles Times-ը: Թերթի տվյալներով` պետք է փակվեն 762 հիմնարկներ, որտեղ մարիխուանա է վաճառվում: Associated Press-ն ավելացնում է, որ դրանց հետ մեկտեղ քաղաքում կարող են գործել ևս 200 նման կետեր, որոնք նույնպես պետք է փակվեն:
Բոլոր խանութները կունենեն 30 օր որոշման կատարման համար: Որոշման կատարումից հրաժարվելու դեպքում այդ կետերի սեփականատերերին դատ է սպառնում, ճշգրտում է LA Times-ը:
Չնայած քաղաքային խորհրդի որոշման առկայությանը` Լոս Անջելեսի աառավարությունը չի պատրաստվում լիովին հրաժարվել բժշկական մարիխուանայի օգտագործումից և վաճառքից:
Միևնույն ժամանակ, Լոս Անջելեսի ղեկավար մարմինը քվեարկել է գոյություն ունեցող հաստատությունների վերագործարկման համար (AP-ի տվյալներով` խոսքը 180 կետերի մասին է): Ընդգծվում է, որ փաստաթղթի ստորագրումը նախատեսվում է ոչ շուտ, քան 3 ամիս անց:
Լոս Անջելեսում մարիխուանայի վաճառքի արգելման մասին որոշումն ընդունվել է տեղացի բնակիչների ճնշման ներքո: Մասնավորապես, վերջին անգամ այդպիսի փորձ ձեռնարկվել է 2010-ին:
Մարիխուանայի վաճառքը բժշկական նպատակներով թույլատրվել է Կալիֆորնիայում 1996 թվականին: Ներկայումս թմրանյութերի վաճառքը հատուկ խանութներում արգելված է նահանգի 178 քաղաքներում և 20 շրջաններում:
