Հունաստանի պետական պարտքը 2012թ. առաջին եռամսյակում նվազել է՝ հասնելով ՀՆԱ-ի 33 տոկոսին, ինչը ռեկորդային է դարձել եվրոգոտու համար: Այս մասին տեղեկացնում է Eurostat վիճակագրական գործակալությունը:
2012թ. չորրորդ եռամսյակում Հունաստանի պարտքը գնահատվում է ՀՆԱ-ի 165,3 տոկոսի չափով, իսկ 1 եռամսյակ անց` 132,4 տոկոս:
Ամենայն հավանականությամբ, պարտքի կտրուկ իջեցումը պայմանավորված է վարկատուների կողմից պարտքի մի մասի դուրսգրմամբ:
Չնայած այս հանգամանքին՝ Հունաստանի պետպարտքը ամենամեծն է եվրոգոտու բոլոր երկրներից:
ԵՄ-ում պարտքի մեծությամբ հաջորդ երկիրը Իտալիան է (ՀՆԱ-ի 123 տոկոսը), երրորդ տեղում Պորտուգալիան է՝ ՀՆԱ-ի 111,7 տոկոսով: ԵՄ երկրների թվում ամենաքիչ պարտք ունեցող երկիրն Էստոնիան է՝ 6,6 տոկոս, և Բուլղարիան՝ 16,7 տոկոս:
Ընդհանուր առմամբ` մեկ եռամսյակում ԵՄ-ում պետպարտքը մեծացել է՝ 82,5-ից հասնելով 83,4 տոկոսի, եվրոգոտում` 87,3-ից 88,2 տոկոսի:
