Եվրամիությունն օգնություն կցուցաբերի Իսպանիային ժամանակավոր Ֆինանսական կայունացման եվրոպական հիմնադրամի միջոցով, սակայն օգնության տրամադրումը կփոխանցվի Ֆինանսական կայունության մեխանիզմին, հենց որ այն սկսի աշխատանքները: Այս մասին, ինչպես հաղորդում է RIA Novosti-ն, մամուլի ասուլիսում հայտնել է Եվրոխմբի նախագահ Ժան Կլոդ Յունկերը՝ հայտարարելով եվրոգոտու ֆինանսների նախարարների խորհրդի նիստի արդյունքները:
«Եթե Ֆինանսական կայունության մեխանիզմը աշխատանքները սկսի ժամանակին (ընթացիկ տարվա հուլիսին.- 1in.am), մենք անմիջապես կսկսենք միջոցները փոխանցել նրան»,- ասել է Յունկերը:
Եվրահանձնաժողովի փոխնախագահ Օլի Ռենն իր հերթին նշել է, որ Եվրոխումբը ակրող է Իսպանիայիբանկային համակարգին տրամադրվող օգնության պարամետրերի շւորջ որոշում ակյացնել հուլիսի 9-ին նախատեսված նիստին:
«Եվրամիությունը կսկսի Իսպանիայի բանկային համակարգի վիճակը գնահատել հաջորդ շաբաթ: Մեր նպատակն է ավարտել մեր աշխատանքն այնպես, որպեսզի Եվրոխումբը կարողանա որոշում կայացնել հուլիսի 9-ին»:
