Լիբիայի ռազմաօդային ուժերի շտաբի ղեկավար Սակր Գերուշին հայտարարել է, որ ռազմաօդային ուժերի «զգալի թարմացման» պարագայում նախապատվությունը կտրվի այն երկրներին, որոնք «աջակցել են հեղափոխությանը», մասնավորապես՝ Ֆրանսիային, Բրիտանիային և ԱՄՆ-ին: Ինչպես հաղորդում է Սիրիայի և Լիբիայի ժողովուրդների հետ համերաշխության ռուսական հանձնաժողովի մամլո ծառայությունը, լիբիական իշխանությունները մտադիր են մոտ ապագայում ձեռք բերել ֆրանսիական Rafale կործանիչների երկու էսկադրիլ, ինչպես նաև Mirage F1 ինքնաթիռներ։ Այս մասին գրում է rosbalt.ru-ն:
Ներկա դրությամբ Լիբիայի ռազմաօդային ուժերն ամբողջությամբ կազմված են խորհրդային ինքնաթիռներից և ուղղաթիռներից:
Գերուշիի խոսքերով՝ նախորդ վարչակարգի ժամանակ ստորագրված պայմանագրերը վերանայվում են և, ամենայն հավանականությամբ, չեղյալ կհայտարարվեն:
