Դրեզդենի դատարանը Sturm 34 նեոնացիստական խմբավորման 5 անդամներին մեղավոր է ճանաչել հանցավոր խմբավորման կազմակերպման մեջ։ Այս մասին հաղորդում է Sueddeutsche Zeitung-ը: Նրանք նաև մեղադրվել և մեղավոր են ճանաչվել մարմնական վնասվածքներ և նյութական վնաս հասցնելու մեջ: Այսպիսով, դատարանը վերանայել է 2008 թ. իր նախնական վճիռը:
Դատապարտյալներից 4-ն ազատզրկման են դատապարտվել են վեց ամսից մինչև 2 տարի պայմանական ժամկետով: 5-րդ մասնակիցն ազատ է արձակվել տուգանք վճարելով: Դատավորները որոշել են սահմանափակվել համեմատաբար մեղմ դատավճիռներով, քանի որ վկաների մեծ մասն արդեն չեն կարողանում հիշել գործի մանրամասները, իսկ դատապարտյալներն արդեն ընտանիք և երեխաներ ունեն: Բացի այդ, մեղադրյալները զղջացել են իրենց գործողությունների համար:
Sturm 34-ի անդամները դատարանում են հայտնվել 2008 թ., սակայն այդ ժամանակ խմբավորումը հանցավոր չի համարվել: Դատավորների կարծիքով՝ խմբավորումը չի ունեցել հստակ կառուցվածք և գաղափարախոսական բազա: Սակայն դա բողոքարկվել է 2009 թ. Գերագույն դատարանում, որը գործն ուղարկել է Դրեզդենի դատարան՝ վերանայման:
Sturm 34 խմբավորումը ստեղծվել է 2006 թ.՝ Միթվայդ քաղաքում (Սաքսոնիա): Տեղի ՆԳՆ տվյալներով՝ դրանում հաշվվում է 50 անդամ: Նրանք իրենց առջև նպատակ են դրել տարածաշրջանից դուրս հանել օտարերկրացիներին, ձախ ծայրահեղականներին և պանկերին:
