Այսօր կայացած «Նա/Նե» ամենամյա լրագրողական մրցանակաբաշխության ժամանակ տպագիր հոդված անվանակարգում երրորդ հորիզոնականը զբաղեցրեց Մարիաննա Հակոբյանը, երկրորդ տեղը` Տիգրան Մանուչարյանը, առաջին պատվավոր մրցանակը ստացավ Գոհար Հակոբյանը:
Առևտրային գովազդ անվանակարգում ներկայացված սյուժեներից երրորդ և երկրորդ հորիզոնականները համապատասխանաբար զբաղեցրեցին`«Դիմ Քոմունիքեյշն» և «Պրայմ Քոմերշլ» ընկերությունները, առաջին տեղը զբաղեցրեց «Ստատուս Հոլդինգը»:
Առցանց անվանակարգում երրորդ հորիզոնականը զբաղեցրեց Գայանե Աբրահամյանը, երկրորդը`Ադրինե Թորոսյանը, իսկ առաջին հորիզոնականը` Աննա Մուրադյանը:
Հեռուստատեսային ռեպորտաժ անվանակրգում երրորոդ տեղը` Լուսինե Ղարիբյան և երկու երկրորդ հորիզոնականները զբաղեցրեցին` Սոնա Աբրահամյանը և Անի Ստեփանյանը:
Ֆոտոռեպորտաժ անվանակարգում մրցանակ ստացավ միակ մասնակիցը` Իննա Մխիթարյանը:
Հիշեցնենք, որ երկու տարի առաջ բրիտանական խորհուրդը Երևանում բրիտանական դեսպանատան ֆինանսավորմամբ իրականացվող «Women in poltics» ծրագրի շրջանակում ԵԱՀԿ երևանյան գրասենյակի հետ համատեղ հայտարարեցին Նա/Նե մրցույթը, որի նպատակն էր տարվա ընթացքում քաղաքական, հասարակական և տնտեսական ոլորտներում կանանց գործունեության, ձեռքբերումների ու նվաճումների վերաբերյալ տպագրված կամ հեռարձակված նյութերի և հոդվածների ուսումնասիրումն ու հաջորդ տարիներին այս թեմաներով անդրադարձների խրախուսումը:
Այս տարի բրիտանական խորհրդի, բրիտանական դեսպանատանն ու ԵԱՀԿ երևանյան գրասենյակին միացել են ՄԱԿ-ի բնակչության հիմնադրամը և «Վիվասել-ՄՏՍ»-ը: «Նա/Նե» արձանիկի հեղինակն էօպերատոր Հովհաննես Հակոբյանը. այն պատրաստված է արծաթից, խորհրդանշում է կնոջն ու տղամարդուն, կենաց ծառը, որը պատկերված է խոսափողի տեսքով:
