ԳԴՀ կանցլեր Անգելա Մերկելը, ելույթ ունենալով Քրիստոնեադեմոկրատական միության համակիրների նախընտրական հանրահավաքում, իր ելույթում անդրադարձել է նաև Ուկրաինայի նախկին վարաչպետ Յուլյա Տիմոշենկոյի իրավուքների պաշտպանության խնդրին:
«Մենք ուզում ենք, որ Յուլյա Տիմոշենկոն ստանա անհրաժեշտ բժշկական օգնությունը»,- հայտարարել է Քրիստոնեադեմոկրատական միության առաջնորդը` դիմելով իր 4000-անոց կուսակիցներին, որոնք հավաքվել էին Վեսթֆալիայի Պադեբորն քաղաքում: Այս մասին հայտնում է DAPD-ը:
Գերմանիայի կանցլերը նշել է, որ Եվրախորհրդարանի պատգամավորը Քրիստոնեադեմոկրատական կուսակցությունից Էլմար Բրոկը Տիմոշենկոյի դստերը` Եվգենիային, Պադեբորն է հրավիրել, որ նա տեսնի, որ Գերմանիան հիշում է իր մորը:
Նշենք, որ մայիսի 7-ին Եվգենիան եկել էր Պադեբորնի հրապարակ, որտեղ նախատեսված էր անցկացնել հանրահավաքը, սակայն նա Մերկելի գալուց առաջ արդեն գնացքով գնացել էր Բեռլին:
Բրոկը Եվգենիա Տիմոշենկոյի հետ քննարկել է Մարդու իրավունքների Եվրոպական դատարան հայցի ներկայացումը, Ուկրաինայում կայանալիք դատական գործընթացները, ինչպես նաև Ուկրաինայում կայանալիք Եվրոպայի ֆուտբոլի առաջնության անցկացմանը վերաբերող հարցեր:
