Ալգոլ կրկնակի աստղային համակարգի վարքը բացատրելու համար աստղագետները որոշել են ուսումնասիրել հին եգիպտական օրացույցի տվյալները: Կորնելի համալսարանի գիտնականները վերլուծել են Կահիրեի տարվա օրացույցը, որն իրենից ներկայացնում է հին եգիպտացիների աստղագիտական կանխատեսումները: Այն օրը բաժանում էր երեք կամ ավելի մասերի, որոնցից յուրաքանչյուրին տրվում էր աստղագիտական գնահատական՝ ծայրաստիճան բարենպաստից մինչև ծայրաստիճան անբարենպաստ:
Գիտնականները դրանում նկատել են երկու ցիկլ: Առաջին շրջանը կազմել է 29,6 օր, որը համատասխանել է լուսանային ցիկլին: Երկրորդ շրջանը հավասար է եղել 2,85 օրվա:
Հեղինակները մանրակրկիտ ուսումնասիրել են երկնային երևույթները, որոնց պարբերականությունը կարող է համապատասխանել օրացույցում հայտնաբերված ցիկլին: Պարզվել է, որ ամենից լավ այդ շրջանը համընկնում է Ալգոլ կրկնակի աստղի լուսարձակման հետ:
Ալգոլ կրկնակի աստղային համակարգը ժամանակակից գիտությանը հայտնի է դարձել 1783 թվականին առանց աստղադիտակի Ջոն Գուդրայքի դիտման արդյունքում:
Նա նկատել է նաև, որ աստղի լուսարձակումը պարբերական բնույթ է կրում, այն սկսում է լուսարձակել, երբ նրա շուրջ պտտվող մյուս աստղը խավարում է: Ավելի ուշ հաստատվեց, որ համակարգում մեկը մյուս շուրջը պտտվում են երկու՝ տարբեր լուսավորությամբ աստղեր: Լուսարձակման ժամանակաշրջանը ներկայում տևում է 2,867 օր:
Կրկնակի աստղը շարունակում է առեղծված մնալ: Որոշ գիտնականները կարծում են, որ համակարգը կազմված է ոչ թե 2, այլ 3 աստղերից: Մասնագետները կարծում են, որ օրացույցով հայտնաբերված ցիկլի՝ 2,85 օր, և ժամանակակից ցիլկի՝ 2,867 օր, տարբերությունը ոչ թե հին եգիպտացի աստղագետների սխալն է, այլ այն, որ կրկնակի աստղը փոխել է իր վարքը:
