Փոլ Սեզանի ջրաներկով նկարված էսքիզը, որն առնչություն ունի «Խաղաթուղթ խաղացողները» հայտնի շարքի հետ, դարձել է երեքշաբթի Նյու Յորքում բացվելիք Christie’s աճուրդի տան թոփ-լոտը:
Սեզանի «Խաղացողների» տարբերակներից մեկը գնել էր Կատարի էմիրը 250 մլն դոլարով, ինչն աննախադեպ է արվեստի իրերի համար:
Աշխատանքը, որը հայտնի էր միայն սև-սպիտակ լուսանկարից, վերջին 60 տարում համարվում էր կորած: Այն հայտնաբերվել է սեպտեմբերին մահացած տեխասցի հայտնի բարերար դոկտոր Հայնց Էյխենվալդի հավաքածուում: Ինչպես տեղեկացնում է RIA Novosti գործակալությունը, այս մասին լրագրողներին հայտնել է աճուրդի տան դեպարտամենտի ղեկավար Բրուկ Լամփլին:
Էյխենվալդը Սեզանի աշխատանքը ժառանգել էր իր ծնողներից, որոնք իմպրեսիոնիստների մեծ երկրպագու էին:
Հրաշալի վիճակում պահպանված էսքիզը գնահատվում է 15-20 մլն դոլար: Նկարում պատկերված է Սեզան ընտանիքի այգեպանը` Պոլին Պոլետը:
Նա «Խաղաթուղթ խաղացողները» շարքի 5 կտավների, որոնք ստեղծվել են 1890-1896 թթ., միակ կերպարն է:
Սեզանը նկարել է 800-ից ավելի յուղաներկ աշխատանքներ` չհաշված ջրաներկերն ու այլ ստեղծագործությունները»: Իր բազմաթիվ աշխատանքներ նա ոչնչացրել է` դրանք համարելով ոչ բավականաչափ կատարյալ:
