Ճապոնացի գիտնականների հայտնագործությունը կարող է շուտով ազդարարել դիետաների ու նիհարեցնող միջոցների դարաշրջանի ավարտը: Նրանք ստեղծել են ակնոցներ, որոնք ստիպում են մարդկանց քիչ ուտել. հետևաբար` նիհարել: Այս մասին գրում է Daily Mail-ը:
Նոր ակնոցների մի մասը վիզուալ կերպով ավելացնում է սննդամթերքի ծավալը 50 տոկոսով, չփոխելով ափսեի և մարդու ձեռքի չափսերը: Փորձը ցույց է տվել, որ այդ ակնոցները կրած մարդիկ կերել են սովորական չափաբաժնից 9.3 տոկոս քիչ:
Ակնոցների մյուս մասը` հավելյալ սարքով, «խաբում է» ոչ միայն տեսողությանը, այլև հոտառությանը: Սարքը արձակում է տարբեր բույրեր, իսկ ակնոցի վրա երևում են նախապես մոնտաժված մթերքներ: Արդյունքում, մարդն ուտում է դիետիկ սնունդ, սակայն էֆեկտների շնորհիվ մեծ հաճույք է ստանում:
Եվ վերջին հնարքը` ակնոցներ երկնագույն լինզաներով, որոնք սնունդը միագույն` կապույտ են դարձնում: Կապույտը պատահական չէ ընտրված: Համարվում է, որ այն փակում է ախորժակը` սնունդը դարձնելով անհրապույր:
