Շվեդ գիտնականները հինգշաբթի օրը հրապարակված հոդվածում հայտնում են, որ եթե նախնադարյան մարդիկ միայն բուսակեր լինեին, ապա նրանք դեռ ապրելիս կլինեին քարանձավներում:
Los Angeles Times-ը հաղորդում է, որ հոդվածում հետազոտողները գրել են, որ երբ մայրը սնվում է մսով, նրա կրծքի կաթով սնված երեխայի ուղեղն ավելի արագ է աշխատում, ինչպես նաև՝ մայրը կարողանում է ավելի շատ երեխաներ ունենալ: Շվեդիայի Lund համալսարանի հոգեբան Էլիսա Փսոունին ասել է, որ միս ուտելն կրճատել է կրծքի կաթով երեխային մեծացնելու ժամանակահատվածը, և այդ պատճառով հղիությունների միջև ժամանակահատվածը նույնպես կրճատվել է:
Կանայք հիմնականում չեն ունենում երկրորդ երեխային, եթե շարունակում են կրծքի կաթով սնել նախորդին, իսկ մարդկանց մոտ դա կարող է տևել մինչև երկու տարի:
Հետազոտողները գտնում են, որ մայրերը դադարեցնում են կրծքով երեխային կերակրելը, երբ երեխայի ուղերը հասնում է զարգացման որոշակի մակարդակի, իսկ միս ուտելն արագացնում է այդ զարգացումը:
Հետազոտության արդյունքները հրապարակվել են PLoS One ամսագրում:
