«168 ժամ»-ը գրում է, որ «Հրդեհի մարում» են անվանել 2008-2010 թթ. Հայաստանի տնտեսական ցիկլը «Հայաստանի ազգային մրցունակության զեկույց 2011-2012» զեկույցի հեղինակները:
«Հրդեհը, հասկանալի է` ճգնաժամն է, իսկ գլխավոր հրշեջը, թերևս, վարչապետը: Ընդ որում, ըստ զեկույցի, հրդեհի մարման գործը բավական հաջող է իրականացվել: «Հակաճգնաժամային միջոցառումները մեղմացրեցին ճգնաժամի հետևանքները՝ նպաստելով կտրուկ անկումից հետո տնտեսության աստիճանական վերականգնմանը: Գրանցվեցին դրական կառուցվածքային փոփոխություններ, ներառյալ արդյունաբերության աճը:
Համաշխարհային տնտեսության վերականգնմանը զուգընթաց՝ սկսեց վերականգնվել նաև արտահանումը»: Նման ձևակերպումների ֆոնին հասկանալի է դառնում, թե ինչու է Տ. Սարգսյանը երեկ ոչ միայն մասնակցել զեկույցի շնորհանդեսին, այլև գրել դրա նախաբաններից մեկը»:
