10 տարվա շահույթի դիմաց` ողջ Կապանի կյանքը

«Deno Gold Mining» ընկերության կողմից` Կապանի Շահումյանի հանքավայրի բաց շահագործման նախագիծն Էկոլուր ՀԿ նախագահ Ինգա Զառաֆյանի համոզմամբ` եթե նշված ընկերոթյանը կբերի 10 տարվա շահույթ, ապա անորոշ ժամանակահատվածով կկրճատի կապանցիների կյանքը: «Deno Gold Mining»-ը, բնապահպանների համոզմամբ, նպատակ ունի առաջիկա տարիներին լայնացնել արդյունահանման տոկոսները, իսկ դա նշանակում է, որ Կապանի շահագործման ժամկետը կկրճատվի մի քանի անգամ: «Դա այնպիսի մեծ հանքավայր չէ, ինչպիսին Քաջարանինն է: Ըստ պաշտոնական տվյալների` Կապանում նրանք նախագծում են տարեկան իրենց պաշարներն ավելացնել 3 մլն տոննայով: Իսկ սա փաստում է, որ հանքավայրի կյանքի տևողությունը 4-ից մինչև 10 տարի է»,- նշում է Ինգա Զառաֆյանը: Փաստորեն ստացվում է, որ 10 տարի Կապանի մթնոլորտային վիճակը աղետային դրության հասցնելուց հետո «Deno Gold Mining»-ը կգնա Հայաստանից և թիկունքում կթողնի թունավորված բնակչություն: Ի դեպ` գործարանը չնայած, որ ցանկանում է մեծացնել արդյունահանմամն պաշարները, պոչամբարի մասին չի էլ մտածում, իսկ բնապահպանները նշում են, որ Գեղանուշի պոչամբարը չի կարողանա այդքան թափոն հավաքել և բացի այդ` Կապանն էլ այդքան տարածք չունի, որ հավաքի թափոնները: