Խորհրդային Միությունում լեհ սպաների գնդակահարության, այսպես կոչված, «Կատինի գործի» հետաքննության հետ կապված գրեթե բոլոր փաստաթղթերը, բացառությամբ՝ գաղտնի փաստաթղթերի, արդեն հանձնվել են Լեհաստանի իշխանություններին: Այս մասին հաղորդում է Interfax-ը՝ վկայակոչելով Ռուսաստանի գլխավոր ռազմական դատախազ Սերգեյ Ֆրիդինսկուն:
«Այսօրվա դրությամբ այն ամենը, ինչ կարելի էր փոխանցել, գործնականում մենք արդեն փոխանցել ենք, բացառությամբ, իհարկե, նյութերի այն մասի, որոնք պետական գաղտնիք են ներկայացնում»,- ասել է նա՝ լրագրողների հետ հանդպման ժամանակ:
Ընդ որում, Ֆրիդինսկին նշել է, որ խոսքը մասնավորապես ագենտուրային գաղտնի նյութերի մասին է. «Ես չեմ կարծում, որ այդպիսի տվյալները մենք պետք է ինչ-որ մեկին փոխանցենք»։
1939 թ. աշնանը ԽՍՀՄ տարածք են զորակոչվել ավելի քան 14 հազար լեհ սպաներ: 1943 թ. գերմանական զորքերի կողմից ԽՍՀՄ արևմտյան շրջանների գրավումից հետո տեղեկություն է տարածվել, որ Կատինի անտառում ԽՍՀՄ ներքին գործերի աշխատակիցները գնդակահարել են լեհ սպաներին: Խորհրդային հանձնաժողովը 1944 թ. նրանց սպանության մեջ մեղադրել է գերմանական կողմին, սակայն 1990 թ. Ռուսաստանը խոստովանել է, որ նրանց գնդակահարել են ներքին գործերի աշխատակիցները՝ Կրեմլի հրամանով:
