Կամբոջայի մայրաքաղաք Պնոմպենում սկանդալային դեպք է տեղի ունեցել: Տաքսու վարորդը իր 13-ամյա որդուն շղթայով կապել է ծառի բնից: Պատճառը դեռահասի` համակարգչային խաղերի նկատմամբ ունեցած կիրքն է: Երեխայի հետ դաժան վերաբերվելու մեղադրանքով տղամարդուն քրեական հետապնդում է սպառնում:
top.rbc.ru-ի ներկայացմամբ` այն մասին, որ որդին համակարգչային խաղերի պատճառով փախչում է դասերից, հայրն իմացել է միանգամայն պատահաբար: Մի օր մեքենայով մոտենալով ինտերնետ-սրճարանի` այնտեղ նկատել է որդուն: Նա սաստիկ զայրացել է և որդուն գամել «անարգանքի սյունին»:
Դեպքից ժամեր անց հարևանները նկատել են դեռահասին և անմիջապես զանգահարել ոստիկանություն:
2011 թվականի հոկտեմբերին բրիտանացի գիտնականները հետազոտությունների արդյունքում եկան այն եզրահանգման, որ համակարգչային խաղերի նկատմամբ պետք է խիստ զգուշավոր լինել, քանի որ դրանք կարող են հանգեցնել ուղեղի ֆիզիոլոգիական փոփոխությունների և խնդիրներ առաջացնել` կապված վարքի և ուշադրության հետ:
