Իլինոյս նահանգի կոնգրեսական, դեմոկրատ Ռոբերտ Ռաշը հեռացվել է Ներկայացուցիչների պալատից, երբ իր ելույթի ժամանակ ամբիոնին է մոտեցել արևային ակնոցով և կնգուղով: Այս մասին հաղորդում է CNN-ը: Մինչ այդ ոչ ոք չէր նկատել Ռաշի նման «հանդերձանքը», քանի որ նրա վրայից կոնգրեսականը կոստյում էր հագել:
Այս քայլով Ռոբերտ Ռաշն իր համերաշխությունն է հայտնել փետրվարի 26-ին ոստիկանության կողմից սպանված սևամորթ պատանի Մարտին Թևորի հարազատներին։ Նման հանդերձանքը պետք է ցույց տար, որ միայն «բանդիտական» տեսքի համար է պատանին զրկվել կյանքից:
Մարտինին սպանած ոստիկան Ջորջ Զիմերմանին մեղադրանք չի ներկայացվել: նա հայտարարել է, որ սպանել է սևամորթ պատանուն ինքնապաշտպանությունից դրդված, թեպետ դեպքի վայր ժամանած ոստիկանները Թևորի մոտ զենք չեն հայտնաբերել:
Ռաշը հայտնի է նրանով, որ պաշտպանում է փոքրամասնությունների, այդ թվում` սևամորթների շահերը: Նաև նշվում է, որ որոշ շրջաններում ոստիկանները հանցագործեն համարում բոլոր նրանց, որոնք կրում են մուգ ակնոցներ, կնգուղով վերնազգեստներ:
