Եգիպտոսի նախկին նախագահ Հոսնի Մուբարաքը «դիկտատորի վարքագիծ» չի դրսևորել, որպեսզի դատաստան տեսներ երկրի մի շարք քաղաքական գործիչների հետ: Այս մասին նախկին նախագահը խոստովանում է իր հուշերում, որի նոր գլուխները հրապարակվել են «Ռոզ Ալ-Յուսեփ» հրատարկության էջերում։ Այս մասին գրում է ИТАР ТАСС-ը:
Իր հուշերում Մուբարաքը բացահայտ խոստովանում է, որ «եթե ինքը դիկտատոր լիներ, կհրամայեր սպանել Ամր Մուսանին»` Եգիպտոսի ԱԳՆ նախկին ղեկավարին և ԱՊԼ նախկին գլխավոր քարտուղարին, ով այժմ առաջադրվել է որպես երկրի նախագահի թեկնածու:
Հատկանշական է, որ Մուսայի հետ իր բարդ փոխհարաբերություններին վերաբերող գլուխը լույս է տեսել հենց այն ժամանակ, երբ Մուսան պաշտոնապես գրանցվել է որպես Եգիպտոսի նախագահի թեկնածու:
«Ինձ բազմիցս նախազգուշացրել են Ամր Մուսայի ժողովրդականության և Իսրայելի հանդեպ նրա ընդդիմադիր հայացքների մասին»,- հիշում է նախկին նախագահը: «Ոչ մի պաշտոնյա 30 տարվա ընթացքում իմ պալատում իր ձայնը չի բարձրացրել՝ բացի Ամր Մուսայից, և հենց դա ստիպեց Սյուզան Մուբարաքին, որպեսզի նա համոզի ինձ ազատել Մուսային աշխատանքից, սակայն ես ընդդիմացա»,– գրում է Մուբարաքը:
Անցած շաբաթ Ամր Մուսան դարձել է չորրորդ թեկնածուն, ով ԿԸՀ-ում պաշտոնապես գրանցվել է Եգիպտոսում նախագահական ընտրություններին մասնակցելու համար:
