«Ժառանգություն» կուսակցության նախագահ Րաֆֆի Հովհաննիսյանը հաջողություն է մաղթում առաջիկա խորհրդարանական ընտրություններին մասնակցող յուրաքանչյուր քաղաքական ուժի և հույս հայտնում, որ ընտրություններն իրապես ազատ ու ժողովրդավար կլինեն:
«Հինգ տարի առաջ կայացած ընտրություններում «Ժառանգությունը» հաղթեց և շատ ընտրատեղամասերում առաջատարն էր: Հիմա, եթե ինձ մնար, կուսակցության ցուցակը ավելի մեծ հասարակական ներկայացվածություն կունենար, ես կլինեի 21-րդ տեղում: Սակայն այժմ պետք է հանդես գանք որպես մեկ հավաքական ուժ, որտեղ չկան «Ժառանգություն» կամ «Ազատ դեմոկրատներ» առանձին կուսակցություններ»,- այսօր կայացած խորհրդակցության ժամանակ նշեց Վ. Հովհաննիսյանը` հավելելով, որ ազատ ու արդար ընտրությունների դեպքում «Ժառանգությունը» վստահաբար կկրկնի հինգ տարի առաջ ցուցաբերած արդյունքները`հաղթականորեն մուտք գործելով ԱԺ:
Կուսակցության առաջնորդի խոսքով՝ ոչ ոք մյուսի հավատաքննիչը չէ, և հենց այս հավատամքով էլ «Ժառանգությունը» սկսելու է իր քարոզարշավը: «Սա՝ նրա համար, որպեսզի ի վերջո կարողանանք նայել միմյանց ու ասել, որ ճանաչում ենք ընտրությունների արդյունքները»,- ասաց Րաֆֆի Հովհաննիսյանը:
