Աշխարհում 2 միլիարդ մարդ՝ ամբողջ երկրագնդի 1/3-ը, վարակված է տուբերկուլյոզով։ Ամեն օր այս հիվանդությունից մահանում է 5000 մարդ: Այս հիվանդությունն ախտահարում է մարդու ամբողջ օրգանները, հատկապես թոքերը։ Այն փոխանցվում է օդակաթիլային ճանապարհով, գրանցված է շրջապատի համար վնասակար հիվանդությունների շարքում։ Տուբերկուլյոզը համարվում է սոցիալական հիվանդություն։ Նույն պայմաններում տուբերկուլյոզը տարբեր մարդկանց վրա կարող է տարբեր կերպ ազդել։ Դա կախված է մարդու դիմադրողականությունից։ Հիվանդության բնորոշ ախտանիշերն են տևական հազը, հոգնածությունը, գիշերային քրտնարտադրությունը, ջերմությունը։
Տուբերկուլյոզի հարուցիչը հայտնաբերվել է 1882-ի մարտի 24-ին, գերմանացի միկրոկենսաբան Ռոբերտ Քոխի կողմից։ 1993-ին Առողջապահության միջազգային կազմակերպությունը տուբերկուլյոզը հռչակել է ազգային աղետ։ Հայաստանում տուբերկուլյոզով վարակված է՝ 100 հազար բնակչի հաշվով 42-45 մարդ։
