Մեծ Բրիտանիայի ինտերնետ օգտատերերը երկրի տնտեսության վեբ-սեգմենտի ռեկորդային աճ են ապահովել, իսկ նրանցից շատերը հանուն համացանցի պատրաստ են հրաժարվել, սեքսից, սուրճից և շոկոլադից, հաղորդում է BBC-ն:
Boston Consulting Group (BCG) ընկերության անցկացրած նոր հետազոտության արդյունքները ցույց են տալիս, որ համացանցում ավելացել է բրիտանացի օգտատերերի թիվը: Հարցվածների մոտ մեկ քառորդը համաձանել է մտածել սեքսից հրաժարվելու մասին՝ հանուն համացանց մուտք գործելու, մոտ 65%-ը պատրաստ է հրաժարվել ալկոհոլից, 76%-ը՝ շոկոլադից և 78%-ը՝ սուրճից:
BCG-ի տվյալներով՝ Մեծ Բրիտանիայի տնտեսության մեջ համացանցի բաժինը կազմում է 8.3%, որը զգալիորեն ավելին է, քան Մեծ քսանյակի մյուս երկրներում:
2010թ. համացանցը Մեծ Բրիտանիայի ՀՆԱ-ին ավելացրել է 121 մլրդ ֆունտ սթեռլինգ (յուրաքանչյուր մարդու բաժին է ընկնում 2000 ֆունտ):
Մեծ Բրիտանիայի վեբ-սեկտորը զգալիորեն առաջ է անցել առողջապահության, կրթության շինարարության սեկտորներից: Բացի այդ՝ առցանց առևտրի մասնաբաժինը Մեծ Բրիտանիայում շատ ավելին է, քան ցանկացած այլ զարգացած տնտեսություն ունեցող երկրում: 2010թ. Միացյալ Թագավորությունում գնումների 13.5%-ն արվել է համացանցի միջոցով: Ըստ կանխատեսումների՝ 2016թ. այդ ցուցանիշը կհասնի 23%-ի:
Միացյալ Թագավորության ինտերնետ-էկոնոմիկան հատկապես մեծ աճ է դրսևորում մյուս առաջատար երկրների համեմատությամբ: Կանխատեսվում է, որ այն գալիք 4 տարիների ընթացքում տարեկան կաճի 11%-ով՝ 2016թ. հասնելով 221 մլրդ ֆունտ սթեռլինգի: Եվ դա այն դեպքում, երբ ԱՄՆ ինտերնետ էկոնոմիկան կազմում է միայն 5.4%, իսկ Չինաստանինը՝ 6.9%:
