Ռուսաստանի կենտրոնական ընտրական հանձնաժողովը հաշվարկելով ընդհանուր քվեների 97,47%-ը` արձանագրում է, որ այս պահին ՌԴ նախագահի թեկնածու, վարչապետ Վլադիմիր Պուտինի օգտին տված քվեների քանակը 64,06% է: Այս մասին հաղորդում է ITAR-TASS գործակալությունը:
Երկրորդ տեղում կոմունիստների առաջնորդ Գենադի Զյուգանովն է` 17,15%: Երրորդ տեղում անսպասելի զբաղեցնում է ինքնաառաջադրմամբ ընտրություններին մասնակցած Միխայիլ Պրոխորովը, որն ստացել է ընդհանուր քվեների 7,6%-ը:
Լիբերալ-դեմոկրատների առաջնորդ Վլադիմիր Ժիրինովսկին 4-րդն է` 6,24%, իսկ Սերգեյ Միրոնովը, որը ղեկավարում է «Սպրավեդլիվայա Ռոսիա» կուսակցությունը` 3,62%:
Տեղեկացնենք նաև, որ վերջին երկու թեկնածուներն արդեն շնորհավորել են Պուտինին հաղթանակի կապակցությամբ, իսկ ահա Զյուգանովը հրաժարվել է օրինական ճանաչել ՌԴ-ում անցկացված ընտրությունները:
