Ինչպես հայտնում է Reuters գործակալությունը, Սիրիայի իշխանությունները «Կարմիր խաչ»–ի միջազգային կոմիտեի անդամներին թույլ են տվել մտնել Հոմսի շրջափակված թաղամաս և հումանիտար ու բժշկական օգնություն ցուցաբերել տեղի բնակչությանը:
Սիրիական «Կամիր մահիկ»-ի և «Կարմիր խաչ»–ի անդամները շաբաթ առավոտյան մոտեցել էին քաղաքի Բաբ Ամրո թաղամասին, սակայն իշխանությունների հետ բանակցություններն ապարդյուն էին անցել: Սիրիական իշխանությունները, անվտանգության նկատառումներից ելնելով, թույլ չէին տվել ԿԽՄԿ-ի աշխատակիցներին օգնություն ցուցաբերել բնակչությանը:
«Մեզ կանաչ լույս են տվել, այսօր մենք հույս ունենք մտնել թաղամաս: Մենք շատ անհանգստացած ենք Բաբ Ամրոյի մարդկանց ճակատագրով»,- ասել է Դամասկոսի «Կարմիր խաչ»–ի ներկայացուցիչը:
