Համաձայն մի ուսումնասիրության, որին մասնակցել է 1000-ից ավել մարդ, շոկոլադը ոչ միայն լեզվի բուժման համար է լավ միջոց, այլև զգալիորեն բարելավում է սրտի աշխատանքը: Այս մասին գրում է reuters.com-ը:
Ուսումնասիրությունը, որը ներառում է 42 ավելի փոքրիկ ուսումնասիրությունների արդյունքներ, տպագրվել է ամերիկյան կլինիկական ամսագրում: Այն պարզել է, որ մասնակիցները բարելավումներ են ունեցել արյունատար անոթների ֆունկցիաներում, և նրանց ինսուլինի մակարդակը իջել է:
Պարզ չէ, թե ինչու է շոկոլադը նման ազդեցություն ունենում: Ենթադրվում է, որ իր ֆլավոնոիդ կոչվող միացությունների շնորհիվ, որոնք առկա են նաև ընկույզի, սոյայի, թեյի և գինու բաղադրության մեջ:
Ուսումնասիրողները գիտակցում են հետազոտության թերությունը, որ փորձությունների մեջ ներգրավված են եղել տարբեր մարդիկ` ոմանք առողջ, ոմանք սրտի հետ կապված խրոնիկ հիվանդություններով։
Հետազոտության հեղինակ, Մեծ Բրիտանիայի բժշկական դպրոցի պրոֆեսոր Լի Հուպերը զգուշացրել է, որ ուսումնասիրությունները ոչ շատ մեծ են եղել, ոչ էլ բավական երկար, որպեսզի պարզաբանեն՝ արդյո՞ք շոկոլադ ուտելն ազդում է մարդու սրտի կաթված ստանալու հավանականության վրա:
Նա միայն ավելացրել է. «Եթե սիրում եք շոկոլադ, պարզապես վայելեք այն, բայց մի ավելացրեք դրա չափը, այն հույսով, որ դա կօգն ձեր սրտին»:
