Թուրքական Dünya Bülteni կայքի փոխանցմամբ՝ Թուրքիայի զինված ուժերի Գլխավոր շտաբը նոր տվյալներ է հրապարակել երկրի զինված ուժերի մասին: Դրանց համաձայն՝ ամեն 99 բնակչին բաժին է ընկել 1 զինվորական:
Թուրքիայի ցամաքային, ռազմաօդային և ռազմածովային ուժերում զինծառայողների քանակը կազմել է 506,892, ժանդարմերիայինը՝ 208,869, իսկ առափնյա պաշտպանությանը՝ 5392:
Թուրքիայի ցամաքային, ռազմաօդային և ռազմածովային ուժերում առկա է 329 գեներալ/ծովակալ, ժանդարմերիայում՝ 33, իսկ առափնյա պաշտպանությունում՝ 2:
Թուրքիայի ցամաքային, ռազմաօդային և ռազմածովային ուժերում ծառայող սպաների ու ենթասպաների քանակը կազմել է համապատասխանաբար՝ 33,762 և 71,444, ժանդարմերիայում՝ 5490 սպա և 22,583 ենթասպա, առափնյա պաշտպանությունում՝ 594 սպա և 1401 ենթասպա:
Թուրքիայի ցամաքային, ռազմաօդային և ռազմածովային ուժերում ծառայողներից 457,677-ը զինվորական անձնակազմ է, իսկ 49,215-ը՝ քաղաքացիական անձնակազմ, ժանդարմերիայում համապատասխանաբար՝ 205,103 և 3766, իսկ առափնյա պաշտպանությունում՝ 4506 և 886:
Հիշեցնենք, որ 2011 թվականի վերջի դրությամբ՝ Թուրքիայի բնակչությունն աճել է 1.35 տոկոսով՝ հասնելով 74,724,269-ի։ 2010 թվականին Թուրքիայի բնակչությունը կազմել է 73,722,988։ Փաստորեն, 2011 թվականին Թուրքիայի բնակչությունը, 2010 թվականի համեմատ, ավելացել է 1,281,000-ով։ Թուրքիայի բնակչության 50.2 տոկոսը (37,532,954 մարդ) կազմում են տղամարդիկ, իսկ 49.8 տոկոսը (37,191,315 մարդ)՝ կանայք։
