Բարաք Օբաման դրական ազդեցություն է ունեցել Էլ Գրինի երգի վաճառքի վրա: Let’s Stay Together երգի ներբեռնումների թվի աճը նկատվել է այն բանից հետո, երբ հունվարի 19-ին Նյու Յորքի Apollo թատրոնում ԱՄՆ նախագահը կատարել է այդ երգից մի հատված: Այս մասին հայտնում է Billboard-ը:
Օբաման դուրս է եկել ամբիոն` իր կողմնակիցներին ողջունելու համար և մինչ ելույթը սկսելը երգել է Let’s Stay Together երգի I’m, I’m so in love with you հատվածը: «Այս մարդիկ չէին հավատում, որ ես կարող եմ դա անել»,- ասել է Օբաման` նկատի ունենալով նախագահական վարչակազմի աշխատակիցներին, որոնք կանգնած էին կուլիսներում:
Սրահում էր նաև Էլ Գրինը: Դիմելով նրան` Օբաման ասել է, որ չի հավակնում երգի՝ նրա տաղանդավոր կատարմանը: «Ես պարզապես ցանկանում էի ձեզ հայտնել իմ շնորհակալությունը»,- հայտարարել է նախագահը:
Դրանից հետո Let’s Stay Together-ի վաճառքն աճել է 490 տոկոսով: SoundScan ընկերության տվյալներով, մի քանի օրվա ընթացքում (հունվարի 19-ից 22-ը) երգի թվային տարբերակը ներբեռնվել է 16 հազար անգամ: Այդ ցուցանիշը 2003 թվականից ի վեր ներբեռնումների լավագույն ցուցանիշն է:
