Հունաստանը երեքշաբթի օրը պաշտոնապես պահանջել է Թուրքիայից հաստատել կամ հերքել երկրի նախկին վարչապետի հայտարարությունն այն մասին, որ թուրքական հատուկ ծառայությունները կապ ունեն Հունաստանի հրդեհների հետ: Իսկ Աթենքի դատախազությունը սկսել է այդ հայտարարությունների հետաքննությունը: Այս մասին հաղորդում է РИА Новости-ն:
Հունաստանի Գերագույն դատարանի դատախազ Յաննիս Տենտեսը հայտարարել է հետաքննությունը անհապաղ սկսելու մասին: Սրա հետ մեկտեղ, ինչպես հաղորդել է Աթենքի ԱԳՆ- ն, Հունաստանը հանդես է եկել պաշտոնական դեմարշով` պահանջելով Թուրքիայից պաշտոնական մակարդակով մեկնաբանություններ:
Նախորդ շաբաթ Թուրքիայի կառավարության նախկին ղեկավար Մեսուտ Յիլմիզը թուրքական Birgun թերթին տված հարցազրույցում հայտարարել էր, որ թուրքական հատուկ ծառայությունները 90-ական թթ. կապ են ունեցել Հունաստանում բռնկված հրդեհների հետ:
