Թուրքական Ihlas լրատվական գործակալության փոխանցմամբ, Թուրքիայի արտգործնախարար Ահմեդ Դավութօղլուն հերթական անգամ քննադատել է Ֆրանսիային՝ կապված նրա Ազգային ժողովի կողմից Հայոց ցեղասպանության հերքումը քրեականացնող օրինագծի ընդունման հետ.
«Ամենացավալին այն է, որ այդ օրինագիծն ընդունվել է ASALA-ի (Հայաստանի ազատագրության հայ գաղտնի բանակ) կողմից 1979 թվականին Փարիզում թուրք դիվանագետ (զբոսաշրջային կցորդ) Յըլմազ Չոփլանի սպանության տարելիցի օրը։ Չոփլանը մեր ընտանիքի անդամներից մեկն էր, ինչպես և մնացյալ շատ դիվանագետ-շեհիթները (նահատակ)։
Ես վերստին դատապարտում են Ֆրանսիային, որը փոխանակ մեր դիվանագետի սպանության տարելիցին «կիսի» մեր ցավը, ընդունել է այդ «ամոթալի» օրինագիծը՝ դրանով իսկ խրախուսելով ASALA-ի այդ արարքը»։
