Ամերիկյան փոփ-աստղ Մադոննան Universal Music Group ընկերությանը պատկանող Interscope Records ձայնագրման ստուդիայի հետ պայմանագիր է ստորագրել, համաձայն որի՝ այդ ստուդիան թողարկելու է երգչուհու երեք ալբոմ:
Երգչուհու պաշտոնական կայքում հաղորդվում է, որ Մադոննայի նոր սկավառակը արդեն պատրաստ է և վաճառքի է հանվելու 2012 թվականի մարտին: Այն դառնալու է երգչուհու ստուդիական աշխատանքների առաջին սակավառակը վերջին հինգ տարում: Ալբոմի առաջին սինգլը լինելու է Gimme All Your Lovin երգը: Այն թողարկվելու է հունվարի վերջին շաբաթում:
Interscope-ը պայմանագիրը դառնալու է Live Nation ընկերության հետ ավելի վաղ կնքված համաձայնության մի մասը:
2007 թվականին Մադոննան ընկերության հետ կնքել էր 120 միլիոն դոլար արժողությամբ տասը տարվա պայմանագիր` «360 աստիճան» սխեմայով, որը, բացի ձայնագրությունների և երաժշտության թողարկումից, զբաղվելու էր երգչուհու շրջագայություններով և ինքնուրույն արտադրանք թողարկելով:
Reuters գործակալության տվյալների համաձայն՝ ֆինանսական ճգնաժամի պատճառով Live Nation-ը չի կարողացել կատարել պայմանագրի բոլոր կետերը և ստիպված է եղել դիմել գլխավոր ստուդիայի օգնությանը:
Մադոնայի Hard Candy վերջին ալբոմը լույս է տեսել 2008 թվականի ապրիլին և 20 երկրների հիթ-շքերթում զբաղեցրել է առաջին հորիզոնականը:
