«Նոր ժամանակներ» կուսակցությունն «Առաջին լրատվական»-ին տեղեկացնում է, որ կուսակցությունը, վերլուծելով Հայաստանի ներքաղաքական կյանքի տարբեր ոլորտներում ընթացող դեգրադացիան, հատկապես.
ա. համաշխարհային տնտեսական ճգնաժամի խորապատկերում, Հայաստանում ահագնացող չափերի հասնող աղքատացումը և դրա հետևանքով երկրից արտագաղթողների թվի շարունակական աճը
բ. հասարակության բացարձակ մեծամասնության բացահայտ թալանի հաշվին էլ ավելի մեծ հարստություն կուտակող վարչակազմի և օլիգոպոլիայի ցինիզմի հասնող առհամարանքը սոցիալական անարդարության զոհ դարձած հասարակության մեծամասնության ամենատարրական կարիքների նկատմամբ
գ. գործազրկության աճի պայմաններում տեղի ունեցող աննախադեպ գնաճը
դ. հասարակական կյանքի տարբեր ոլորտներում իշխանության ներկայացուցիչների անօրինական վարքագծի անպատժելիության իրողությունը
ե. բանակում զինծառայողների դաժանաբարո սպանությունների անվերջանալի դեպքերը
զ. պետական մեքենայի ծառայեցումը քաղաքական դաշտի փոշիացման և դիմազրկման հակաժողովրդական գործողություններին
է. ՀՀ Սահմանադրությամբ սահմանված ժողովրդավարական ինստիտուտների հիմնովին ոչնչացումը
երկիրը հասցրել են պետականության կորստի վտանգի առաջ, ինչից խուսափելու և ազգայւին անվտանգության ռազմավարական շահերին տեր կանգնելու համար
«Նոր ժամանակներ» կուսակցության 6-րդ համագումարը որոշում է.
1. սեփական ընտրացուցակով մասնակցել 2012թ. անցկացվելիք խորհրդարանական ընտրություններին, ինչպես նաև սեփական թեկնածուով մասնակցել ՀՀ նախագահի արտահերթ կամ հերթական ընտրություններին
2. այդ ընտրություններն օգտագործելով որպես քաղաքական պահ և համագործակցելով այլ քաղաքական ու հասարակական ուժերի և ակտիվ քաղաքացիների հետէ հայկական քաղաքական թատերաբեմից անվերապահորեն հեռացնել բացառապես խմբային շահերով առաջնորդվող գործող վարչակազմին և նրա սպասարկուներին:
