Ոստիկանությունից «Առաջին լրատվական»-ին հայտնում են, որ նոյեմբերի 18-ին` ժամը 02.30-ին, հիվանդանոցից ոստիկանության Էրեբունու բաժնում հաղորդում էր ստացվել, որ դանակահարության հետքերով իրենց մոտ է տեղափոխվել Երևանի բնակիչ, 26-ամյա Գալուստ Մելքոնյանը, որը գիտակցության չգալով՝ մահացել է:
Զննությամբ դիակի վրա հայտնաբերվել էին սուր կտրող-ծակող գործիքով հասցված վնասվածքների հետքեր:
Ոստիկանության ծառայողների ձեռնարկած օպերատիվ-հետախուզական և քննչական միջոցառումների շնորհիվ նույն օրը` ժամը 17.30-ին, բերման են ենթարկվել 1991թ. ծնված Կարապետ Մ-ն, 1987թ. ծնված Միքայել Ռ-ն, 1989թ. ծնված Վլադիմիր Ռ-ն և 1989թ. ծնված Հակոբ Բունիաթյանը:
Հակոբ Բունիաթյանը խոստովանել է, որ նույն օրը` ժամը 02.00-ին, Խաղաղ Դոնի փողոցում գտնվող ավտոկայանատեղի պարսպի հետնամասում, վիճաբանության ժամանակ, իր մոտ եղած ծալովի դանակով չորս անգամ հարվածելով Գալուստ Մելքոնյանին` պատճառել է մահ:
Հակոբ Բունիաթյանը ձերբակալվել է:
Կատարվում է նախաքննություն:
