Բիլլ և Հիլարի Քլինթոնների միակ դուստրը` Չելսի Քլինթոնը, աշխատելու է որպես NBC հեռուստաընկերության հաղորդավարուհի:
Ինչպես հայտնում է The New York Times-ը, Չելսին վարելու է «Փոփոխություններ կատարելով» Making a Difference կամավորական և հանրային գործունեության վերաբերյալ ծրագիրը: Ծրագիրը հեռարձակվելու է NBC երեկոյան լուրերի հատվածում: Քլինթոնը գործ է անցնելու նոյմբերի 14-ից:
NBC News-ի տնօրեն Սթիվ Կեյփուսը հայտարարել է, որ Չելսի Քլինթոնը նրա հետ հանդիպել է 2011 թվականի ամռանը և բացատրել, որ ցանականում է լուսաբանել առանձին անհատների կամավորական և բարեգործական գործունեությունը: Չելսի Քլինթոնը նաև հայտարարել է, որ մտադիր է NBC-ում աշխատած գումարը նվիրաբերել Բիլլ Քլինթոնի հիմնադրամին և Ջորջ Վաշինգտոնի անվան համալսարանական հիվանդանոցին:
Ինչպես նշում է The Wall Street Journalը, 2011 թվականի սեպտեմբերին 31-ամյա Չելսի Քլինթոնը մտել է IAC/InterActive համացանցային ընկերության տնօրենների խորհուրդ: Քլինթոնը նաև մասնակցել է իր հոր հիմնադրամի աշխատանքերին և հանդես է եկել Հիլարի Քլինթոնին աջակցող ելույթներով, երբ վերջինս մասնակցում էր 2008 թվականի նախագահական արշավին:
Չելսի Քլինթոնը ԱՄՆ նախկին նախագահների դուստրերից միակը չէ, որ աշխատում է հեռուստատեսությունում: Ջեննա Բուշ Հագերը` Ջորջ Բուշ կրտսերի դուստրը, աշխատում է որպես Today ծրագրի թղթակից, իսկ Մեգան Մաքքեյնը` հանրապետական, նախկինում նախագահի թեկնածության համար պայքարող Ջոն Մաքքեյնի դուստրը, աշխատում է MSNBC լրատվական կայքում: