Կարեն Կարապետյանը խոշոր բիզնես-նպատակներ էր հետապնդում: «Առաջին լրատվական»-ի հետ զրույցում ՀՀ քաղաքապետ Կարեն Կարապետյանի գործունեության մասին նման կարծիք հայտնեց Milano խանութ-սրահի տնօրեն Հովհաննես Ղուկասյանը:
«Ես չեմ համարում, որ Կարեն Կարապետյանը քաղաքապետ էր, որովհետև պաշտոնավարման առաջին իսկ օրվանից նրա բոլոր որոշումները, հրահանգները եղել են ապօրինի, այսինքն` չընտրված քաղաքապետը ի՞նչ կարող է անել քաղաքի համար»,- մեկնաբանեց Հ. Ղուկասյանը:
Ըստ նրա` քաղաքապետն ապօրինի թույլտվություններ էր տարածում այս կամ այն տարածքը քանդելու կամ տնօրինելու համար: Հովհաննես Ղուկասյանը ոչ մի ոլորտում Կարեն Կարապետյանի գործունեությունը բարձր չի գնահատում, որովհետև, նրա համոզմամբ, դրական ոչինչ չի արվել:
«Ես չէի սպասում այսպիսի հրաժարականի, ես ավելի խայտառակ պաշտոնանկություն էի կանխատեսում. նա գործում էր ապօրինի դաշտում, նրա բոլոր հրամաններն ապօրինի էին և պետք է ուշ թե շուտ բացահայտվեին»,- ասաց Հ. Ղուկասյանը` ընդգծելով, որ քաղաքապետը միայն խոշոր բիզնես-նպատակներ էր հետապնդում: Այն հարցին, թե հասարակության կողմից կա՞ր ցանկություն, որ նա հրաժարվեր պաշտոնից, պատասխանեց, որ Կարեն Կարապետյանը չընտրված քաղաքապետ էր, ուստի քաղաքացիների կողմից կար ցանկություն, որ նա պաշտոնանկ լիներ:
