Մյունխենում վաճառքի են հանվել Մուամար Քադաֆիի որդու` Սեյֆ ալ-Արաբիի երկու առանձնատները: Առանձնատներից մեկը գտնվում է Մյունխենի հեղինակավոր թաղամասերից մեկում` Բոգենհաուզում, իսկ մյուսը` Վալդպերլախում:
Bild պարբերականի տվյալներով՝ առանձնատների տարածքում կառուցելու են լիբիական դեսպանատունը: Duken & v. Wangenheim գործակալի տվյալներով, որը զբաղվում էր առանձնատների գնորդի փնտրտուքով, այդ գործընթացը դադարեցվել է լիբիական նոր իշխանությունների խնդրանքով:
Բեռլինում Լիբիայի դեսպանատան ներկայացուցիչը Bild պարբերականին հայտնել է, որ երկու տները համարվում են պետության սեփականությունը, և այնտեղ մտադիր են բացել հյուպատոսություն, եթե դա հաստատվի Գերմանիայի դաշնային հանրապետության արտաքին գործերի նախարարության կողմից:
Միևնույն ժամանակ, Sueddeutsche Zeitung գերմանական օրաթերթը հաստատում է, որ այդպիսի տարբերակ չի քննարկվել: Լիբիայի նոր նշանակված դեսպանը` Ալի Ալ-Քոթանին, դեռ երկրի ժամանակավոր ներկայացուցչն է, իսկ նրան նախորդած դեսպանը, որը ստորագրել էր Բոգենհաուզենում առաձնատան գնման պայմանագիրը, օգոստոսին հեռացվել էր:
Բացի այդ, Գերմանիայի արտաքին գործերի նախարարությունը դեռ տեղեկություն չունի հյուպատոսություն բացելու վերաբերյալ:
Գործակալը դրա մասին ևս տեղյակ չէ և շահագրգռված է վաճառքի գործարքն իրականացնելու գործում:
Լիբիայի նախկին առաջնորդի ընտանիքը Բոգենհաուզենում առանձնատունը գնել էր 2009 թվականին:
Ձևականորեն տունը գրանցված էր որպես պաշտոնական հյուրերի առանձնատուն:
Վալդպերլախում առանձնատունը ձեռք է բերվել 2006 թվականին: Ընդհանուր առմամբ, երկու տները գնահատվում էին 10 միլիոն եվրո: Գերմանիայում են գտնվում նաև Լիբիային պատկանող վեց շենքեր:
