Իրանական Mehr գործակալության հաղորդմամբ՝ Իրանի խորհրդարանի ազդեցիկ պատգամավոր Ալի Մութահարին հայտարարել է, որ մոտ 29 պատգամավորներ ճնշումների արդյունքում հրաժարվել են Ահմադինեժադին հարցաքննելու պահանջից:
Ըստ Մութահարիի՝ խորհրդարանի նախագահությունը՝ մի կողմից, Ահմադինեժադի խորհրդարանական ներկայացուցիչը՝ մյուս կողմից ճնշում են գործադրել պահանջագիրը ստորագրած պատգամավորների վրա, որի արդյունքում 29 պատգամավոր հրաժարվել են իրենց պահանջից, և նախագահին հարցաքննելու պահանջը տապալվել է:
Հիշեցնենք, որ օրեր առաջ Ալի Մութահարին, բողոքելով խորհրդարանի նախագահության դիրքորոշումների դեմ, վայր էր դրել իր պատգամավորական մանդատը:
